长跑素食者：唔食肉都有力

　　宝马汽车公司组咗队有近140人嘅“BMW iRunners长跑队”。队员小帕七年前患上子宫内膜癌，为咗健康，佢放弃原本钟意食嘅餐蛋麵、叉鸡饭，告别“大鱼大肉”，变身素食者，而家任职健身教练。佢仲话自从食素之后，皮肤好咗，肠胃好咗，连个人都正面咗添！所以今次报名跑渣马10公里赛，希望可以推广素食，同埋要话畀人知“跑步又好、健身又好，其实我哋（素食者）都系普通人，同大家一样。”目标系一个钟内完成十公里。
 

　　飞鱼登陆 志在参与
 

　　另一名队员、前香港游泳代表队钟国樑曾经出战亚运会同全运会，又做过奥运火炬手。今次回归陆地，一向喺香港泳坛赢开巷嘅佢话今次唔预自己赢㗎喇，只系希望喺50分钟内跑完十公里，仲话“跑步系辛苦好多啰！会流多好多汗。”话就话唔争冠，但系佢都操咗八个月，仲成功减埋肥，半年内由120公斤，减到而家嘅92公斤。睇嚟视减肥为终身职业嘅“港女”姐妹们，都要去跑吓渣马。